Washington huwa l-ewwel stat fl-Istati Uniti li llegalizza li persuni jistgħu jagħżlu li l-katavru tagħhom jiddikomponi b’mod naturali fil-ħamrija.
Permezz ta’ din il-liġi, li ġiet iffirmata t-Tlieta mill-Gvernatur Jay Inslee, persuni għandhom l-għażla li wara mewthom, ġisimhom iħalluh jiddikomponi b’mod naturali f’ħamrija. Dan il-proċess huwa meqjus bħala alternattiva oħra għal kremazzjoni u d-dfin, u li qed titqies bħala prattika oħra għaliex l-art għaċ-ċimiterji hija skarsa.
Fi tmien il-proċess tal-kompost, il-familjari jingħataw il-ħamrija li biha jistgħu jagħżlu li jiżirgħu pjanti, ħxejjex u siġar.
Katrina Spade, li ħadmet biex tiġi fis-seħħ din il-liġa, qalet li b’din l-alternattiva se jitnaqqas b’mod sinifikanti l-emissjonijiet tal-karbonju kif ukoll l-użu tal-art.
