Wara li qatta’ tliet ġimgħat fit-Taqsima tal-Kura Intensiva, l-ewwel appell tat-tifel li seraq il-qlub ta’ bosta, Jake Vella, kien biex min isegwih jekk jista’ jagħti donazzjoni lil santwarju tal-annimali.
F’messaġġ fuq Facebook Jake rringrazzja lil kull min bagħatlu messaġġ ta’ appoġġ waqt li kien l-ITU. Spjega li hu qed iħoss in-nuqqas tal-kelba tiegħu Maya fejn jittama li jingħaqad lura magħha dalwaqt.
Hu kiteb kif kull min jixtieq jgħinu, jista’ billi jagħti donazzjoni żgħira lis-santwarju tal-klieb li jinsab qrib ir-residenza tiegħu f’Birżebbuġa, l-Assoċjazzjoni tal-Annimali Abbandunati.
Kull min jixtieq jagħti d-donazzjoni tiegħu jista’ billi jibgħat messaġġ fuq:
5061 7350 għal donazzjoni ta’ €2.33
5061 8060 għal donazzjoni ta’ €4.66
5061 8910 għal donazzjoni ta’ €6.99
5061 9200 għal donazzjoni ta’ €11.65
Jake għandu biss tmien snin u jbati minn kundizzjoni rari bl-isem ta’ Rohhad, li jfisser li jżid il-piż b’mod mgħaġġel ħafna minkejja li jsegwi ħajja attiva. Huwa ddaħħal l-ITU fl-aħħar ta’ Novembru li għadda minħabba xi kumplikazzjonijiet fis-saħħa tiegħu.
