Qattusa tat-triq li kienet qed issirilha operazzjoni għand Happy Paws, u f’nofs operazzjoni sabu li kellha aktar minn 50 ċomba f’ġisimha issa tinsab f’saħħa aħjar u għandha bżonn l-għajnuna tal-pubbliku.
Dan hekk kif issa din il-qattusa qed tfittex familja li lesta tħobbha u żżommha bħala parti mill-familja minflok tirritorna lura fit-triq. Dan hekk kif id-deċiżjoni tal-aħħar jaf tkun ta’ detrement.
Il-qattusa li għandha mhux iktar minn sentejn għandha karattru ferrieħi u tmur tajjeb man-nies.
Kull min hu interessat li joffrilha ħajja aħjar minn dik li s’issa kellha barra fit-triq jista’ billi jikkuntattja lil Chris Tine fuq Facebook permezz ta’ messaġġ, il-persuna li bħalissa qed tappella biex tinstabilha dar permanenti.
Jekk ma tistax toffri dar permanenti lil din il-qattusa, xerred dan il-messaġġ forsi sa fl-aħħar tingħata ċ-ċans li jkollha familja u mħabba.
