Wara ħafna snin, is-Sur Gawdenz jerġa’ jidher fuq ONE

L-aħħar li deher f’Marzu 2007. Wara assenza ta’ aktar minn 15-il sena, ONE ser jerġa’ jxandar is-sensiela tant popolari ”Is-Sur Gawdenz Bilocca”

Għalkemm din is-sensiela kienet tant popolari, r-ripetizzjonijiet baqgħu qatt ma ġew skedati fl-ebda skeda oħra, minħabba
nuqqas ta’ ftehim bejn il-produtturi konċernati. Issa, dawn id-differenzi ġew imwarrba u sar qbil bejn Fabian Scerri DeCarlo (l-attur li jinterpreta l-karrattru ta’ Gawdenz) u Bronk Productions tal-mibki Benny Casha biex minn Lulju li ġej jerġgħu jibdew jixxandru r-ripetizzjonijiet kollha – 60 episodju b’kollox.

Din is-sensiela ser tixxandar b’episodju kuljum, mit-Tnejn sal-Ġimgħa fis-2:30pm mill-4 ta’ Lulju.