“Waqt li konna qed insalvaw qattus ma jiflaħx, xi ħadd abbanduna erbat ifrieħ tal-qtates f’barmil.”
Hekk kitbu l-paġna CLAWS – Cat Lovers Adoptions Welfare & Support fejn qalu kif waqt li kienu qed isalvaw ferħ ta’ qattus li kellu problema serja f’għajnejh, xi ħadd abbanduna erbat ifrieħ f’barmil.
Spjegaw kif bl-għajnuna ta’ persuni li jitimgħu l-qtates irnexxielhom jaqbdu lill-qattus u minkejja li jinsabu mimlijin qtates, xorta waħda ddeċidew li jieħdu ħsiebu sakemm jerġa’ jikseb saħħtu.
Qalu kif sfortunatament ħadd ma rnexxielu jsib omm il-qtates u għalek kkellhom joħduhom sabiex ifejquhom mill-infezzjoni li għandhom f’għajnejhom.
L-istess paġna spjegat kif meta jerġgħu lura f’saħħithom se jkunu qed ifittxu familja li lesta tadottahom u tħobbom.
