Il-President tal-Kummissjoni Ewropea Ursula von der Leyen ferħet lil Dr Robert Abela wara li nħatar uffiċjalment fil-kariga ta’ Prim Ministru ta’ Malta.
“Konvinta li taħt it-tmexxija tiegħek, il-Gvern Malti se jkompli jikkontribwixxi b’mod kostruttiv għall-Ewropa iżjed b’saħħitha u magħquda”, saħqet Von Der Leyen fuq twitter.
F’ittra li bagħtet lil Prim Ministru ta’ Malta, il-President tal-Kummissjoni Ewropea qalet li tinsab fiduċjuża li flimkien mat-tmexxija ta’ Malta tista’ tindirizza sfidi komuni.
Von der Leyen qalet li Dr Abela huwa impennjat għall-proġett Ewropew li fih Malta taqdi rwol importanti.
Il-President tal-Kummissjoni Ewropea għalqet l-ittra billi awgurat lil Dr Abela fil-ħidma tiegħu u saħqet li tħares ‘il quddiem biex tiltaqa’ miegħu dalwaqt.
Ma’ Von der Leyen ingħaqad il-President tal-Kunsill Ewropew Charles Michel li filwaqt li awgura lil Dr Abela, laqa’ d-determinazzjoni tal-Prim Ministru Malti li jsaħħaħ is-saltna tad-dritt u jaħdem għall-għaqda.
Intant anki pajjiżi mhux mill-Unjoni Ewropea awguraw lil Prim Ministru Malti Robert Abela.
Fi tweet il-Prim Ministru Ukren Oleksiy Honcharuk feraħ lil Dr Abela u awgura li t-terminu tal-Prim Ministru Robert Abela jġib suċċess lil pajjiżna.
Il-Prim Ministru Ukren qal li jħares ‘il quddiem biex jinfteħu opportunitajiet ġodda f’koperazzjoni bilaterali bejn iż-żewġ pajjiżi.
Huwa saħaq li flimkien mal-Prim Ministru Abela jistgħu jinkisbu aktar riżultati pożittivi.
Congratulations @robertabela_mt on your appointment as Prime Minister of #Malta.
I am convinced that the Maltese Government, under your leadership, will continue to make a constructive contribution to a stronger, more united & more just Europe. pic.twitter.com/ZgPG1bxsVO— Ursula von der Leyen (@vonderleyen) January 14, 2020
Congratulations @RobertAbela_MT on your appointment as the new Prime Minister of Malta. Let the term bring every success to your nation. I look forward to opening new opportunities for our bilateral cooperation and am convinced that together we can achieve, indeed, great results.
— Oleksiy Honcharuk (@PMHoncharuk) January 14, 2020
