Villa tas-seklu tmintax magħrufa bħala ‘Ta’ Tavlin’ fiż-Żejtun ingħatat protezzjoni tat-tieni grad mill-Awtorità tal-Ippjanar. L-iskedar tal-bini sar b’kollaborazzjoni sħiħa mas-Supretendent tal-Patrimonju kulturali u jinkludi fih il-ġnien, numru ta’ strutturi rurali, u żona estensiva.
Biex issa l-protezzjoni li qed tingħata lil din il-villa mhux ser tħalli l-bini ta’ estensjoni tat-Triq John Borg li tgħaddi mill-ġnien tal-Villa.
Din il-villa kienet tintuża bħala post ta’ villaġjatura mill-familja Testaferrata Bonnici. Familja li għandha ċertu importanza fiż-Żejtun hekk kif din l-istess familja kienet tat l-art li fuqha llum hemm mibnija l-knisja arċipretali taż-Żejtun.
