Il-vapur Iżraeljan tal-merkanzija MV Helios Ray, li sploda b’mod misterjuż fil-Golf tal-Oman, wasal fil-port ta’ Rashid f’Dubai kmieni l-Ħadd filgħodu biex isirulu t-tiswijiet.
Ebda membru tal-ekwipaġġ ma jidher li weġġa’ f’dan il-każ, għalkemm jidher li l-bastiment ġarrab xi ħsarat.
Il-Ministru għad-Difiża Iżraeljan, Benny Gantz, qal li l-ewwel indikazzjonijiet juru li l-Iran kien responsabbli għall-isplużjoni.
