Fit-tieni partita li kellna l-Ħamis fic-Centenary Stadium iltaqgħu Valletta u Gudja United, żewġ timijiet li kienu qed jagħmlu l-aħħar dehra tagħhom fl-ogħla diviżjoni tal-futbol lokal, dan hekk kif iz-żewġ timijiet ġew relegati għac-Challenge League.
F’din l-partita spikkat l-skwadra magħżula mil-kowċ ta’ Valletta Juan Cruz Gill li kienet totalment komposta minn element żagħżugħ.
Mal-ħruġ tagħhom fil-ground l-plejers tat-tim ta’ Valletta fetħu banner b’ turija ta’ rispett lejn l-ex kowċ ta’ Valletta fost oħrajn Danilo Doncic li ħalla din d-dinja fis-sigħat li għaddew li għaddew.
Wara ħames minuti kienu Gudja United li wettqu l-ewwel azzjoni fil-partita meta Aidan Jake Friggieri tefa’ ballun fit-tul lejn Shaizen Attard li avvanza u daħal fil-kaxxa u ssikkat minn Anthony Neil Micallef prova jikkonkludi, iżda kien tajjeb l-goalkeeper Liam Frendo li evita l-periklu u salva.
Fl-azzjoni li segwiet ftit tal-ħin wara reġgħu Gudja meta wara li rċieva ballun tajjeb kien Gianluca Zammit li prova jikkonkludi, bil-goalkeeper Frendo salva.
Fit-8 minuta komplew Gudja United meta kien Zak Grech li bic-cross shot għal darboħra impenja lill-goalkeeper Liam Frendo li salva tajjeb.
Valletta wieġbu għall-ewwel darba fid-dsatax il-minuta, liema azzjoni fetħu l-iskor minnha meta kien Milan Jezdimirovic li tefa’ korss fil-tul li kien mtajjar minn difensur ta’ Gudja, bil-ballun spiċċa għand l-Captain ta’ Valletta, Shaun Dimech li fajjar xutt mil-isbaħ li ntemm fix-xibka għal 1-0.
Fil-21 minuta reġgħu Valletta meta kien Zak Barbara li dendel kross li kien salvat mill-goalkeeper James Pisani.
Fl-azzjoni li segwiet minuta biss wara Valletta għamlu l-iskor 2-0 meta kien Klose Azzopardi Conti li rċieva ballun tajjeb, daħal fil-kaxxa u tefa’ l-ballun wara l-goalkeeper ta’ Gudja.
Fl-24 minuta Valletta żiedu gowl ieħor meta wara pass żbaljat ta’ Gudja kien Keyon Ewurun li b’xutt minn barra l-kaxxa tefa’ l-ballun fix-xibka.
Tlett minuti wara u waslet azzjoni oħra mit-tim ta’ Gudja meta kien Gianluca Zammit b’ konklużjoni minn barra l-kaxxa li għaddiet barra.
Fit- 32 minuta għal darboħra kienu t-tim mil-Kapitali meta kien Jake Azzopardi li kellu xutt li kien mdawwar f’korner mil-goalkeeper James Pisani.
Fil- 35 minuta Valletta reġgħu resqu qrib meta kien Zak Barbara li prova konklużjoni mid-distanza li niżlet kemm kemm għoli mil-lasti ta’ Gudja. Fl- 40 minuta kien Matthias Conti ta’ Gudja li prova xutt minn barra l-kaxxa li għadda għoli.
Fl-aħħar azzjoni ta’ l-ewwel taqsima Gudja naqsu l-marġini ta’ l-iskor meta wara kross fil-baxx l-ballun wasal għand Gianluca Zammit li b’xutt fil-baxx tefa’ l-ballun fix-xibka.
Hames minuti mill-ftuħ tat-tieni taqsima u Valletta komplew fejn ħallew fl-ewwel taqsima f’dak li huma azzjonijiet meta kien Shaun Dimech li għadda ballun lejn Klose Azzopardi Conti li prova javvanza iżda pront kien Mirko Esposito li rebaħ l-ballun u biegħed l-periklu.
Fl-azzjoni li segwiet minuta biss wara Valletta skorjaw gowl ieħor, meta Klose Azzopardi Conti qassam lejn Jake Azzopardi li kellu l-ewwel xutt parzjalment salvat mill-goalkeeper biex mir-rebound kien l-istess plejer li tefa’ l-ballun fix-xibka.
Ftit tal-minuti wara kienu Gudja United meta wara azzjoni ta’ kross mix-xellug kien Gianluca Zammit li ra ix-xutt b’saħħtu tiegħu jaħbat mal-minduda.
Fil-57 Minuta Gudja sabu x-xibka ghat-tieni darba meta minn azzjoni ta’ korner l-ballun wasal għand Matthias Conti li minn taħt l-lasta tefa’ l-ballun fix-xibka.
Fi-66 minuta Valletta għamlu l-iskor 5-2 meta kien s-sostitut Claude Mercieca li krossja, bil-ballun ħabat ma’ difensur ta’ Gudja qabel spiċċa għand Shaun Dimech li bla problemi iddepożita l-ballun fix-xibka biex għaqqad dopjetta personali.
Kwarta mit-tmiem u kien Shaun Dimech li ipprovda ballun mill- isbaħ fit-tul lejn Klose Conti Azzopardi li wara li avvanza u daħal fil-kaxxa ra x-xutt tiegħu jiġi mtajjar kif seta’ mil-goalkeeper James Pisani.
Fit-78 minuta kien Matthias Conti li prova xutt minn barra l-kaxxa u pront kien Anthony Neil Micallef li tajjar il-periklu.
Mat-tokki tad-90 minuta Valletta għal ftit ma żiedux gowl ieħor meta kien Klose Azzopardi Conti li daħal fil-kaxxa u ssikkat għadda ballun lejn Shaun Dimech li kellu x-xutt mill-ewwel tiegħu li spiċċa barra.
Referee: Emanuel Grech
BOV Plejer tal-lobgħa: Shaun Dimech (Valletta)
