One Sport jinsab infurmat li fl-aħħar ħinijiet Valletta FC, Birkirkara FC u Gżira United irtiraw mill-Premier League Standing Committee.
Jidher li dawn it-tliet klabbs ma kinux f’qbil mal-kumplament tat-timijiet l-oħra li jiffurmaw dan il-kumitat bl-affarijiet jkompli jmorru għal għar hekk kif dawn it-tliet klabbs urew ix-xewqa li l-Kampjonat Premier jitkompla filwaqt li l-kumplament riedu li l-Kampjonat jieqaf minħabba l-Covid-19.
Bla dubju dawn ir-riżenji qed jkomplu joħorġu fil-beraħ il-qasma fil-fehmiet u l-ideat ta’ min imexxi l-klabbs Maltin hekk kif tliet klabbs hekk meqjusa kbar f’pajjiżna irtiraw minn kumitat li ilu mwaqqaf għal diversi snin.
