One Sport jista’ jiżvela li f’dawn l-aħħar sigħat Valletta FC u Balzan kienu għaddejjin b’negozjati intensivi hekk kif iċ-ċampjins għamlu talba uffiċjali għall-attakant Montengrin Bojan Kaljevic. Jidher li wara ħin twil ta’ negozjati Balzan aċċettaw l-offerta ta’ Valletta u fil-ħin li ġej mistenni jiġi rreġistrat t-trasferiment ta’ Bojan Kaljevic minn ma’ Balzan għal ma’ Valletta.
Kaljevic lagħab għal dawn l-aħħar erba’ staġuni ma’ Balzan FC fejn kien wieħed mill-aqwa attakanti f’pajjiżna f’dawn l-aħħar snin. Oriġinarjament Kaljevic beda l-avventura tiegħu f’pajjiżna ma’ Mosta FC.
