Il-Ħamis filgħaxija ġiet fit-tmiem l-avventura ta’ Floriana FC fit-tieni rawnd tal-UEFA Ewropa Conference League, dan hekk kif Vitoria Guimaraes tal-Portugall kienu superjuri u kwalfikaw b’aggregate ta’ 5 – 0.
Fil-konfront tal-Ħamis filgħaxija, li intlagħab f’Estádio D. Afonso Henriques f’Guimarães, it-tim Furjaniż ġie megħlub bl-iskor ta’ 4-0.
Vitoria Guimaraes kellhom bidu eċċellenti tant li ħadu biss tmien minuti biex fetħu l-iskor meta kien Riccardo Mangas li għadda ballun lejn Kaio Cesar li għeleb lill-goalkeeper Christoffer Mafoumbi u poġġa lill-Portugiżi f’vantaġġ kmieni.
Tlett minuti biss wara u Vitoria S.C. kabbru l-iskor meta din id-darba kien l-awtur ta’ l-ewwel goal, Kaio Cesar li pprovda ballun tajjeb lill-Jorge Filipe Oliveira Fernandes li mill- viċin tefa’ l-ballun fix-xibka.
Il-Portugiżi ma’ waqfux u fis- 37 minuta skorjaw t-tielet gowl tagħhom meta kien Bruno Gaspar li għadda l-ballun lill-Ricardo Mangas li tefa’ il-ballun fix-xibka.
Dan biex żewġ minuti minn tmiem l-ewwel taqsima reġa’ kien Ricardo Mangas li għaqqad dopjetta u għamel l-iskor 4-0 wara xogħol tajjeb ta’ Kaio Cesar, biex l-ewwel taqsima intemmet bl-iskor ta’ 4-0.
Fit-tieni taqsima Vitoria Guimaraes komplew bl-istess ritmu ta’ l-ewwel waħda u fit-63 minuta resqu viċin li jiskorjaw l-ħames goals meta kien Bruno Gaspar li kellhu konklużjoni b’saħħitha, izda kien imċaħħad mil-lasta l-minduda.
Fl-aħħar azzjoni tal-partita fit-92 minuta kien s-sostitut Samu li laqgħat il-lasta il- wieqfa.
Fil-fażi li jmiss Vitoria Guimaraes ser ikunu qed jiffaċċjaw lit-tim ta’ Zurich ta’ l-Svizzera.
Referee tal-partita : Ion Orlic (Maċedonja)
