Il-Prim Ministru Malti ddiskuta l-immigrazzjoni waqt telefonata li kellu mal-President tal-Kunsill Ewropew Donald Tusk.
Permezz ta’ twitter, Donald Tusk saħaq li kellu telefonata tajba ma’ Dr. Joseph Muscat u dan jawgura tajjeb qabel il-laqgħa li jmiss tal-Kunsill Ewropew.
Min-naħa l-Prim Ministru Joseph Muscat irringrazzja lil Tusk tal-interess ġenwin tiegħu fuq il-kwistjoni tal-immigrazzjoni.
Il-Prim Ministru spjega li f’diskussjoni li kellu llum mal-President tal-Kunsill Ewropew tkellmu ħafna dwar is-sitwazzjoni preżenti b’rabta mal-immigrazzjoni.
Din l-istqarrija ta’ Tusk issegwi dik ta’ mexxejja Ewropej oħra, fosthom tal-President tal-Kummissjoni Ewropea Jean-Claude Juncker li fl-aħħar sigħat innota kif fil-każ Aquarius, Malta ġabet ruħha skont ir-regoli internazzjonali.
Grateful to @eucopresident for his genuine interest in #migration issue. We have discussed the current situation in view of the next #EUCO meeting -JM
— Joseph Muscat (@JosephMuscat_JM) June 14, 2018
