L-eks President Amerikan Donald Trump wieġeb mhux ħati fil-Qorti ta’ Washington DC, akkużat li fost l-oħrajn ikkonfoffa biex ibiddel ir-riżultat tat-telfa li ġab fl-elezzjonijiet Presidenzjali tal-2020.
F’kummenti li ta lill-midja qal li dan qed iseħħ hekk kif qed jiġi ippersegwitat mill-avversarji politiċi.
REKLAM
SKROLLJA BIEX TKOMPLI
Din hija t-tielet dehra ta’ Donald Trump f’qorti Amerikana f’erbgħa xhur, hekk kif għandu każijiet oħra separati u li fihom ukoll qed iwieġeb mhux ħati.
Ta’ min ifakkar kif bosta persuni li jissaportjaw lil Donald Trump kienu daħlu bil-forza fil-Capitol Hill u fl-istess Qorti f’Washington DC, tressqu mal-elf persuna akkużati li pparteċipaw f’dan l-episodju meqjus xokkanti fl-istorja Amerikana.
