Il-President tal-Istati Uniti, Donald Trump qed iwissi li lesti li jdaħħal bosta sanzjonijiet kontra l-Iraq. Dan wara li l-Parlament ta’ dan il-pajjiż qed jitlob biex it-truppi Amerikani jitiilqu mill-pajjiż.
Trump saħaq li l-Amerka għandha bażi tal-ajru li tiswa biljuni ta’ flus biex tinbena. “M’aħniex se nitilqu sakemm ma jħallsuniex għaliha”, qal Trump.
Bħalissa hemm tensjonijiet għoljin bejn l-Iran u l-Istati Uniti, wara li nqatel il-Ġeneral Qasem Soleimani il-ġimgħa l-oħra f’Baghdad. L-Iran qal li ta’ dan se jkun hemm tpattija severa.
Soleimani ta’ 62 sena mexxa l-operazzjonijiet Militari fi Lvant Nofsani, u kien meqjus bħala terrorist mill-Amerikani.
Ritratt: Getty Images
