Il-President tal-Istati Uniti, Donald Trump qal li l-Istati Uniti se ssolvi t-theddida nukleari mill-Korea ta’ fuq, bl-għajnuna u mingħajr taċ-Ċina.
F’intervista mal-Financial Times, Trump qal li jekk iċ-Ċina mhux ser issolvi l-Korea ta’ fuq, l-Istati Uniti ser tagħmel dan u ddikjara li jemmen totalment li jista’ jirnexxi waħdu.
Huwa kien qed jitkellem qabel żjara li għandu ppjanata mal-President Ċiniż din il-ġimgħa.
Trump sostna li ċ-Ċina għandha influwenza kbira fuq il-Korea ta’ fuq u għalhekk jekk iċ-Ċina tiddeċiedi li tgħin lill-Istati Uniti f’dan ir-rigward, qal li tkun qed tagħmel ħafna ġid għall-pajjiż stess.
Fl-istess waqt, iżda ma ta l-ebda dettalji oħra fuq x’azzjonijiet se jkun qed jieħu biex jindirizza t-theddida nukleari mill-Korea ta’ fuq.
