Il-President tal-Istati Uniti Donald Trump għedded li ser jaqta’ fondi federali għall-Kalifornja hekk kif kważi mal-mitt-elf tomna ta’ art inqerdu minn nirien li ħakmuha fl-aħħar ġimgħat.
Eluf ta’ persuni ġew evakwati minn djarhom.
Fuq Twitter il-President Trump weħħel fil-Gvernatur Demokratiku Gavin Newson hekk kif skontu qal li Newsom ma għamel xejn tajjeb fl-immaniġjar tal-foresti f’Kalifornja.
“Kull sena Kalifornja tinħakem minn nirien. Dejjem l-istess umbgħad jiġi għand il-Gvern jitlob il-flus għall-għajnuna. Daqsekk”, kiteb Trump fuq Twitter.
Intant Newsom li dan l-aħħar kien kritiku ta’ Trump fuq il-politika ambjentali li jħaddan wieġbu, “Int ma temminx fit-tibdil fil-klima. B’hekk skużat minn din il-konverżazzjoni.”
