In-nominat Presidenzjali Repubblikan Donald Trump akkuża lir-rivali tiegħu Hillary Clinton li ħadet xi droga qabel l-aħħar dibattitu li kellhom.
Huwa sostna li t-tnejn li huma għandhom ikunu eżaminati qabel id-dibattitu li jmiss, filwaqt li ssuġġerixxa li t-tellieqa presidenzjali kienet tidher bħala elezzjoni mbagħbsa. Dan intqal wara li kienu ppublikati recordings li fihom Trump jinstema jagħmel rimarki oxxeni, li wasslu għal sensiela ta’ akkużi t’ attakki sesswali.
Stħarriġ tal-opinjoni pubblika qed juru li Trump qed jitlef l-appoġġ f’diversi stati kruċjali. Waqt rally f’New Hampshire, Trump qal li Clinton kienet drugata fil-bidu tal-iktar dibattitu riċenti, iżda kważi qas kienet kapaċi tasal sal-karozza tagħha wara li ntemm l-istess dibattitu.
