Il-President Amerikan, Donald Trump wissa lill-Iran illi l-Istati Uniti lesta biex tattakka 52 sit Iranjan jekk il-kapitali tal-Iran, Tehran, tattakka lil ċittadini jew assi Amerikani. Il-President Amerikan semma li fost dawn is-siti hemm diversi postijiet ta’ importanza għall-Iran.
Trump sostna dan wara li l-Istati Uniti qatlet lill-Kap Ġeneral Iranjan, Qasem Soleimani fi attakki mill-ajru, bl-Iran tirrispondi li se tpattiha lill-Amerka għal dan il-qtil. Il-President Amerikan enfasizza l-fatt li l-Istati Uniti mhix se toqgħod kawta għat-theddid.
