Il-maltabiennale.art se jirrikonoxxi l-aħjar xogħlijiet tal-arti fih b’żewġ trofej, li t-tnejn
li huma qed jieħdu l-għamla tal-falkun Malti.
L-ewwel trofew se jingħata lill-aqwa biċċa xogħol minn fost l-artisti li applikaw fis-sejħa internazzjonali u li ġew magħżula biex itellgħu l-arti tagħhom f’dan il-maltabiennale.art. Dan it-trofew se jkun qed jingħata fuq għażla minn ġurija
internazzjonali u minbarra t-trofew, l-artist se jkun qed jingħata wkoll kummissjoni
pubblika minn Heritage Malta.
It-trofew l-ieħor se jingħata għall-isbaħ biċċa xogħol ta’ arti fuq għażla tan-nies,
l-udjenza tal-maltabiennale.art. Minbarra t-trofew, l-artist se jkun qed jingħata l-possibbiltà li jiġi ppubblikat ktieb dwar ix-xogħlijiet tiegħu, maħruġ mid-dar tal-pubblikazzjonijiet ta’ Heritage Malta.
