Il-grupp South End Core qed idawwar petizzjoni biex nhar it-tmienja ta’ Settembru jkun jum dedikat lill-bandiera Maltija. Fuq il-petizzjoni stess, li se jippreżentaw lill-Parlament, jispjegaw għaliex.
South End Core kienu stabiliti fl-2007, meta grupp ta’ Maltin iddiskutew il-possibiltà li jgħaqdu s-supporters kollha Maltin taħt bandiera waħda – dik tal-pajjiż. Kienet proposta li saret realtà meta l-team tal-football Malti lagħab kontra t-Turkija nhar it-8 ta’ Settembru 2007; l-istess jum meta l-Kavallieri Maltin ħarġu b’rebħa mal-imperu Ottoman fl-1565. F’temp ta’ ftit sigħat, il-petizzjoni ġabret 70 firma. L-idea donnha inlaqgħat tajjeb anke minn barranin.
