Il-MOAS flimkien mal-ħaddiema tas-salib aħmar Taljani iffaċjaw waħda mill-iktar sfidi diffiċli, f’missjoni konġunta fiċ-Ċentru tal-Mediterran. Sfortunatament, matul din il-missjoni tilfu ħajjithom ħames nisa u żewġt irġiel.
Il-ħaddiema ta’ salvataġġ ħadmu bla heda biex isalvaw 354 persuni minn fuq ħames dgħajjes differenti. L-immigranti kienu fi stat ta’ paniku minħabba l-istat prekarju tad-dgħajjes li kienu jinsabu fuqhom.
Dawn l-immigranti li ġew salvati mill-MOAS jinsabu fi triqthom lejn l-Italja. Minkejja li tilfu ħajjithom 7 persuni, permezz tal-ħidma li għamlet il-MOAS flimkien mal-ħaddiema tar-Red Cross,fl-aħħar jiem ġew salvati numru sinifikanti ta’ immigranti.
