Il-Qorti tal-Appell ordnat biex terġa’ tingħata s-sentenza lil Elliot Paul Busuttil, li ammetta li fi Frar ta’ sentejn ilu qatel lil Mario Farrugia ta’ tnejn u sittin sena f’Ħal Qormi.
F’Marzu li għadda, Busuttil ġie kkundannat tnejn u erbgħin sena ħabs wara li ammetta l-akkużi miġjuba kontrih, minflok għadda ġuri li b’45 daqqa ta’ sikkina, qatel lil Farrugia. Huwa ammetta wkoll li pprova joqtol lil Emil Marinoc, Bulgaru ta’ 57 sena qrib il-parkeġġ tal-istadium nazzjonali f’Ta Qali.
REKLAM
SKROLLJA BIEX TKOMPLI
Busuttil appella minn din is-sentenza għaliex fi kliemu s-sentenza mogħtija ma tiriflettix is-sens ta’ ġustizzja.
