Tony Zarb se jingħata l-aħħar tislima s-Sibt li ġej fil-Knisja ta’ San Publiju l-Furjana

L-aħħar tislima lil Tony Zarb se tingħata nhar is-Sibt li ġej, ħdax ta’ Ġunju.

Fid-disgħa neqsin kwart ta’ filgħodu, jitlaq il-korteo minn Mater Dei lejn il-bini tal-General Workers Union, fejn se tingħata tislima mill-kollegi tiegħu.

Imbagħad, huwa jingħata l-aħħar tislima f’quddiesa ġewwa l-Knisja ta’ San Publiju l-Furjana fl-għaxra ta’ filgħodu, minn fejn jittieħed biex issir id-difna fiċ-ċimiterju ta’ San Girgor fiż-Żejtun.

Il-funeral se jsir wara li saru l-arranġamenti meħtieġa biex Tony Zarb jinġieb lura Malta mill-Belġju, fejn kien qed jingħata l-kura għall-kanċer fl-aħħar ġimgħat.

Tony Zarb miet il-Ħadd li għadda fl-età ta’ tmienja u sittin sena.