Unite with Tomorrowland ikkonfermata f’Malta għat-tieni darba konsekuttiva u se jsir nhar is-Sibt 28 ta’ Lulju 2018. L-avveniment se jerġa’ jsir fil-Marsa Sports Grounds.
Taħt il-bnadar ikkuluriti ta ‘UNITE With Tomorrowland, flimkien mal-Korea t’Isfel, il-Ġermanja, it-Tajwan, il-Libanu, Dubai, Spanja u Iżrael, fl-2017 Malta kienet parti minn avveniment globali memorabbli li ntlaqat b’vajb enormi. Se jkun hemm artisti internazzjonali u lokali flimkien fuq il-palk f’Malta.
Eluf ta’ nies minn aktar minn 50 pajjiż attendew l-avveniment f’Malta fil-Marsa Sports Grounds. L-organizzazzjoni tal-avveniment kienet imfaħħra ħafna minn dawk li attendew – fi stħarrig xjentifiku, iktar minn 90% qalu li l-avveniment kien suċċess kbir u se jkunu qed jistennew bil-ħerqa t-tieni edizzjoni. Minn dawn, aktar minn 80% qalu li l-Unite With Tomorrowland Malta 2017 qabżu l-aspettattivi tagħhom bil-bosta. Unite with Tomorrowland sejjer jiġi organizzat f’Malta għat-tieni sena konsekuttiva u l-pubbliku għandu jistenna esperjenza aħjar u ikbar. Ix-xogħol intensiv fuq l-edizzjoni ta ‘din is-sena diġà qed isir.
Dj’s ewlenin se jivvjaġġaw lejn Malta biex jagħtu spettaklu live minn fuq il-palk fejn il-pubbliku preżenti se jesperjenza l-emozzjoni ta’ linja diretta mal-Belġju u mal-bqija tad-dinja.
