Raġel ta’ 35 sena mill-Marsa ġie arrestat wara li nqabad bid-droga allegatament lesta biex tiġi ttraffikata. Il-Pulizija mill-Iskwadra ta’ Kontra d-Droga wettqet rejd fit-Telgħa ta’ Spencer fil-Marsa, fejn ġie arrestat ukoll żagħżugħ ta’ 21 sena. Jidher li dan kiser diversi kundizzjonijiet li imponiet fuqu l-Qorti.
B’rabta mal-każ inħatret inkjesta mmexxija mill-Maġistrat tal-Għassa Charmaine Galea, u ż-żewġ persuni se jitressqu l-Qorti s-Sibt quddiem il-Maġistrat Monica Vella.
Ritratti: Uffiċċju tal-Komunikazzjoni, Il-Korp tal-Pulizija ta’ Malta
