F’Ottubru 2022, l-Assoċjazzjoni Maltija SB20 u r-Royal Malta Yacht Club ħabbru li Malta kienet rebħet l-offerta biex tospita l-Kampjonati Ewropej SB20 tal-2024 bejn id-29 ta’ Settembru u l-5 ta’ Ottubru, 2024.
L-organizzaturi llum żvelaw il-logo tal-avveniment li kien iddisinjat minn Nicholas Cutajar li juri bilanċ bejn it-tradizzjoni fil-forma tas-Salib ta’ Malta, u l-modernità – il-Klassi SB20 hija Klassi stabbilita li kisbet popolarita kbira qalb il-komunita tal-ibburdjar – kemm lokali u barra minn Malta.
F’dak li għandu x’jaqsam mal-ibburdjar, ftit hemm simboli li jiġbru s-sinifikat storiku, l-ispirtu avventuruż u l-wirt nawtiku li għandu s-salib ta’ Malta. Bl-oriġini tiegħu jmur lura sa’ mill-waslta tal-Kavallieri ta’ Malta, is-salib Malti għandu għeruq storiċi profondi. Inizjalment użat bħala simbolu ta’ unur, kuraġġ u servizz, is-salib ta’Malta kien iżżejjen it-tarki u l-bandalori tal-kavallieri li kienu jipproteġu l-pellegrini Kristjani matul il-Kruċjati. Maż-żmien, is-salib sar sinonimu mal-qlubija, u dedikazzjoni lejn id-dinja marittima.
Il-logo jevoka sens ta ‘avventura, l-eċċitament tal-baħar, u l-ispirtu ta’ esplorazzjoni. L-integrazzjoni tas-salib ta’ Malta fid-disinn m’elementi nawtiċi rilevanti, il-logo huwa wieħed li jolqot il-baħrin u d-dilettanti tal-ibburdjar billi jirrappreżenta apprezzament profond għall-isport.
“It-Tnedija tal-logo huwa pass importanti fil-proċess lejn dawn il-kampjonati. Dan il-logo se jagħti identità lil dan l-avveniment internazzjonali ospitat lokalment. It-tnedija tal-logo tikkoinċidi mal-Kampjonati tad-Dinja tal-2023, li qed isiru bħalissa u li għalihom Malta diġà qed tissemma” spjega Steve Carter, President, SB20 Malta Association.
