L-ixjaħ kelba fid-dinja hija Toy Fox Terrier Amerikana u jisimha Pebbles, skont il-Guinness World Records.
Sfortunatament din il-kelba mietet mewta naturali nhar it-Tnejn li għadda: ħames xhur biss qabel għalqet 23 sena. Pebbles mietet fil-kumpanija tas-sidien tagħha, Bobby u Julie Gregory, fid-dar tagħhom f’ South Carolina.
REKLAM
SKROLLJA BIEX TKOMPLI
Pebbles twieldet fi New York fit-28 ta’ Marzu 2000. F’Mejju, il-Guiness World Records għarfu formalment lil Pebbles bħala l-ixjaħ kelba fid-dinja.
“Kien unur għalina li kellna lilha bħala pet u membru tal-familja,” kitbet Julie Gregory. Pebbles kienet tħobb il-mużika country, idduq ikel ġdid u titfissed.
