L-ewwel kantanta li rebħet il-Eurovision Song Contest mietet f’Zürich, fl-Isvizzera. Lys Assia, m’ilux għalqet 94 sena u sa sentejn ilu kienet għadha tattendi għall-edizzjonijiet tal-Eurovision.Ta’ spiss kienet tkun mistiedna speċjali u fl-2016, f’intervista esklussiva ma’ dan is-sit kienet awgurat lill-parteċipanti kollha fil-Eurovision Song Contest li kien sar fi Stokkolma.
Lys Assia rebħet l-ewwel edizzjoni tal-Eurovision fl-1956 li kien sar ġewwa Lugano. Hija kienet irrappreżentat lill-Isvizzera bil-kanzunetta Refrain. Assia kienet anki reġgħet irrappreżentat lill-Isvizzera fiż-żewġ edizzjonijiet tal-Eurovision ta’ wara.
Ara l-kanzunetta li Lys Assia rebħet biha.
