Tmut l-attriċi Maggie Smith, magħrufa fost l-oħrajn għall-parti ta’ Professor McGonagall

Tħabbret il-mewt tad-Dama Maggie Smith fl-età ta’ 89 sena.

Hija tibqa’ magħrufa għal numru ta’ partijiet f’għadd ta’ films ta’ suċċess fosthom Professor McGonagall f’Harry Potter.

Kien it-tifel tagħha li ħabbar il-mewt ta’ ommu, fejn fi stqarrija qal li hija mietet l-isptar kmieni l-Ġimgħa filgħodu.

Qal li Smith kienet maħbuba minn kulħadd.

Hija ħalliet jibku t-telf tagħha liż-żewġ ulieda subien u ħames neputijiet.

Fost l-oħrajn hija ħadmet f’numru ta’ serje u films, fosthom Down Town Abbey, Sister Act, Nanny McPhee u Othello.