SeaWorld ħabbret il-mewt tal-balena Tilikum wara li sofriet minn problemi f’saħħitha. Din il-balena magħrufa kellha 36 sena u twieldet fl-ibħra tal-Iżlanda.
Tilikum kienet il-protagonista fid-dokumentarju Blackfish, li fih ġew ikkritikati parks li fihom jinżammu baleni.
Dawn Brancheau li kienet it-trainer tal-balena Tilikum tilfet ħajjitha wara li l-istess balena niżlitha taħt l-ilma minn xagħarha u ripetutament ħabtitilha rasha quddiem l-udjenza.
Mill-awtopsja ħareġ li Dawn mietet wara li għerqet u sofriet minn ġrieħi gravi.
