L-attriċi Amerikana Debbie Reynolds mietet, propju jum wara bintha, l-attriċi ta’ Star Wars Carrie Fisher.
Rapporti tal-mezzi tax-xandir Amerikani sostnew li Reynolds t’84 sena ddaħlet fi sptar f’Los Angeles wara attakk ta’ puplesija.
Reynolds tibqa’ magħrufa għall-irwol tagħha fil-musical Singin’ in the Rain fl-1952.
Binha Todd Fisher ħabbar il-mewt tagħha fejn sostna li l-familja tinsab b’qalba maqsuma wara li f’temp ta’ jumejn tilfu tnejn mill-għeżież tagħhom.
Saħaq li ommu ma felħitx għal mewt ta’ bintha li mietet wara attakk ta’ qalb fuq ajruplan.
