L-Iskola Primarja GC Karmni Grima tal-Għarb ħarġet rebbieħa fuq id-dinja akkademika, hekk kif tliet studenti eċċezzjonali kisbu l-ewwel post fil-kompetizzjoni Supertmatik.
Daniel Aquilina kiseb l-1 post minn 20,000 student fil-kategorija 2, filwaqt li Ana Sultana ħarġet bl-aqwa prestazzjoni fost 48,000 student fil-kategorija 4. Cesca Cassar kisbet ukoll l-1 post minn 74,000 student fil-kategorija 5.
L-amministrazjoni tal-iskola qalet li l-kisbiet tagħhom iservu ta’ ispirazzjoni għal imħuħ żgħażagħ, u jfakkruhom li x-xogħol iebes, id-dedikazzjoni, u d-determinazzjoni jistgħu jiftħu possibilitajiet kbar.
Supertmatik hija kompetizzjoni nazzjonali li tkejjel l-aġilità mentali u l-ħila matematika tal-istudenti.
Il-konkors jisfida lill-parteċipanti biex isolvu firxa wiesgħa ta’ problemi matematiċi fi żmien limitat. Dawn il-problemi jkopru diversi punti matematiċi, inklużi puzzles aritmetiċi, alġebra, ġeometrija u loġika. Supertmatik mhux biss jevalwa l-għarfien tal-istudenti iżda jenfasizza wkoll il-veloċità u l-eżattezza fis-soluzzjoni tal-problemi.
