Pogba, Williams u Lindelof huma tliet plejers tat-tim tal-futbol tal-Manchester United li f’filmat li ttella’ fuq is-sit tat-tim deheru jgħidu x’jixtiequ jagħmlu kieku jżuru lil Malta.
F’mument minnhom Pogba jgħid li mhux se jiddejjaq iżur lil Malta la jkollu ċ-ċans, l-importanti li fl-ibħra tagħna ma jarax xi kelb il-baħar għaddej.
Il-filmat ittieħed bħala promozzjoni għal Malta flimkien ma’ Visit Malta. Dan hekk Visit Malta huma uffiċjalment Official Destination Partners ta’ Manchester United.
Fil-vidjo, il-plejers ġew mistoqsija dwar x’jagħżlu li jagħmlu fejn kollha kemm huma għażlu li jżuru l-bajja pittoreska ta’ Kemmuna.
