Ħadd ma’ weġġa wara li 3 karozzi nħakmu min-nirien fi Triq Ġuże Galea fl-Iklin.
Il-każ seħħ għall-ħabta tas-2 ta’ waranofsinhar meta karozza tat-tip Nissan Almera ħadet in-nar minħabba difett.
Fl-istess każ qabdu tliet karozzi oħra tat-tip Nissan Note u Honda Fit li sofrew ħsarat estensivi filwaqt li karozza oħra tat-tip Toyota Yaris sofriet xi ħsarat.
Fuq il-post issejħu membri mid-Dipartiment tal-Protezzjoni Ċivili li kkontrollaw in-nirien fi żmien qasir.
