Fl-ewwel partita tal-Ħadd fl-Istadium Nazzjonali f’Ta Qali Hibernians kisbu t-tliet punti f’rebħa komda ta’ 3-0 kontra Gudja United bit-tim Pawlist b’hekk irritorna lura għar-rebħ wara nuqqas ta’ ħames logħbiet u kkundanna lil Gudja United fic-Challenge League.
L-ewwel azzjoni tal-partita wara biss tliett minuti meta kienu Hibernians permezz ta’ xutt ta’ Giannis Bastianos, bil-goalkeeper James Pisani isalva. L-azzjoni sussegwenti waslet fl-24 minuta meta kien Jurgen Degabriele li kellu x-xutt tiegħu salvat minn Pisani.
Żewġ minuti u wieġbu Gudja United għal l-ewwel darba meta minn azzjoni ta’ corner, kien Aidan Jake Friggieri ra’ daqqa ta’ ras tiegħu tgħaddi barra.
Fit-38 minuta marru fil-vantaġġ minn penalty, dan wara li d-difensur ta’ Gudja United Gudjan Rodriguez deher imiss l-ballun b’idu bir-referi ordna penalty. Inkariga mill-penalty Alex de Souza li tefa’ l-ballun fix-xibka u lill-Hibernians 1-0 minn fuq.
Maħsuda minn dan l-goal Gudja United sofrew t-tieni gowl minuta biss wara meta kien Giannis Bastianos li għadda l-ballun lejn Jurgen Degabriele li mill-viċin tefa’ l-ballun fix-xibka. U dan ma kienx biżżejjed għax propju fl-40 minuta Hibernians skorjaw t-tielet gowl tagħhom meta Jurgen Degabriele irnexxilu jaqbad lid-difiża fuq sieq waħda u mill-viċin tefa’ l-ballun fix-xibka biex għamel l-iskor 3-0.
Fi-tieni taqsima, Hibernians kienu fil-kontrol assolut minkejja li l-azzjonijiet kienu ftit li xejn.
L-uniku azzjoni denja ta’ nota fit-tieni taqsima waslet fil-65 minuta meta l-plejer Kroat Sime Zuzul impenja lill-goalkeeper James Pisani li min naħa tiegħu salva.
Referee: Daniel Portelli.
BOV Plejer tal-Logħba: Jurgen Degabriele
