Erba’ persuni, fosthom tlett itfal, mietu fi traġedja fi Brisbane fl-Awstralja wara li allegatament, il-karozza li kienu fiha tqabbdet u ħadet in-nar.
Il-vittmi ċkejknin kollha kellhom inqas minn 10 snin, u nstabu mejta fil-karozza mill-ħaddiema ta’ salvataġġ.
Raġel li kien fl-istess karozza ukoll miet, filwaqt li mara sofriet minn ħruq estensiv u qed tiġġieled għal ħajjitha fl-isptar.
Uffiċjali tal-Pulizija ddeskrivew ix-xena tar-reat bħala orribbli u qalu li għadu kmieni biex jiġu kkonfermati l-identitajiet tal-vittmi, filwaqt li rrifjutat li tikkummenta dwar vjolenza fil-familja.
Residenti fit-triq fejn seħħ l-inċident qalu li raw il-mara toħroġ mill-karozza fi fjamma nar u bdiet tgħajjar li r-raġel tefa’ l-pitrolju fuqha.
