Tlett irġiel, tnejn minn Birkirkara u wieħed mill-Imsida, ġew arrestati fl-inħawi tas-Swatar fuq suspett li kienu qed jittraffikaw id-droga.
Wara informazzjoni li daħlet għand il-Pulizija, marru fuq il-post u identifikaw żewġt irġiel, li qablu mad-deskrizzjoni, li kienu fuq barra ta’ vettura, filwaqt li raġel ieħor kien bilqiegħda fuq in-naħa tax-xufier tal-istess vettura.
REKLAM
SKROLLJA BIEX TKOMPLI
Malli raw lill-Pulizija, l-irġiel bdew iġibu ruħhom b’mod suspettuż u wieħed minn dawk li kienu barra, deher jitlaq jimxi u jipprova jirkeb f’vettura oħra li kienet qrib.
B’kollox instabu madwar tletin qartas allegatament eroina.
Dwar il-każ hemm inkjesta Maġisterjali.
