Tlett ijiem ta’ luttu wara li nirien li ħakmu klabb f’belt Spanjola ħallew diversi vittmi

Minn tal-inqas ħdax-il persuna mietu f’nirien li ħakmu stabbiliment tad-divertiment fil-belt Spanjola ta’ Murcia.

In-nirien bdew fil-klabb popolari Teatre, fiż-żona ta’ Atalayas, għall-ħabta tas-sitta ta’ filgħodu.

Filmati online juru l-ilsna tan-nar jitkebbsu fil-binja, u duħħan iswed ħiereġ mit-twieqi kbar tal-istess klabb.

Is-servizzi tal-emerġenza għaddejjin bit-tfittxija għal nies li għadhom ma nstabux u li ġew irrappurtati li kienu fil-binja fil-ħin li beda n-nar.

F’Murcia ġew iddikjarati tlett ijiem ta’ luttu.