Il-President Amerikan, Donald Trump qal li l-ebda nazzjon m’għandu jissotovaluta d-determinazzjoni Amerikana. Huwa qal dan meta wasal il-Ġappun fil-bidu tal-itwal żjara li qed jagħmel fil-kontinent Ażjatiku. Trump wiegħed li se jassigura l-militar ikollu r-riżorsi meħtieġa biex iżomm il-paċi u jiddefendi l-liberta.
Din iż-żjara ta’ Trump qed issir fost tensjonijiet kbar mal-Korea ta’ fuq dwar il-programm nukleari. Din iz-zjara mistennija tkun l-itwal waħda ta’ President Amerikan fl-Asja tul dawn l-aħħar ħamsa u għoxrin sena.
