Is-Servizz Nazzjonali tat-Trasfużjoni tad-Demm għadu qed jinsisti għall-bżonn ta’ donazzjonijiet ta’ demm b’mod partikolari O Negative. Kull min jaf li għandu dan it-tip ta’ demm hu ġentilment mitlub biex imorru jagħtu d-demm illum stess jekk jista’ jkun.
Tipi oħra ta’ demm huma wkoll meħtieġa. In-numru ta’ donaturi li qed jersqu kuljum kien baxx ħafna f’dawn l-aħħar ġimgħat.
Il-Bank tad-Demm huwa dejjem iftuħ, inkluż Ħdud u Festi Publiċi mit-8.00 am-6.00 pm ħdejn l-Isptar San Luqa. Importanti li wieħed jieħu miegħu l-karta tal-identità.
