Is-sena li għaddiet kien hemm tkabbir ekonomiku reali ta’ 5%.
Dan ifisser li t-tkabbir ekonomiku kien aħjar minn dak maħsub li kellu jkun mill-esperti tal-aġenziji tal-klassifikazzjoni tal-kreditu u l-Kummissjoni Ewropea. Dawn kienu qed ibassru tkabbir ta’ 4%.
Kien l-Uffiċju Nazzjonali tal-Istatistika li kkonferma din ir-rata ta’ tkabbir ekonomiku. Żewg fatturi wara t-tkabbir ekonomiku b’saħħtu ta’ pajjizna huma ż-żieda qawwija fil-konsum privat u l-andament tan-negozji.
