Wasal Sajf ieħor u għal Titti u Carmelo jfisser li jmorru jgħumu, jew aħjar jaqbżu qabża, fil-baħar f’St. Peters Pool f’Marsaxlokk.
Ftit tas-snin ilu, Titti l-kelba tar-razza Jack Russell ħadet fama mondjali wara li filmat tagħha taqbeż il-baħar fl-istess ħin ma’ sidha nxtered fuq l-internet. B’bosta persuni jiggustawha u saħansitra jżuru l-bajja biex forsi jilmħuha.
Il-kelba li għandha tmien snin ġibdet l-attenzjoni ta’ bosta, fejn minbarra li dehret fuq il-midja Maltija saħansitra dehret fuq paġni barranin li għandhom l-eluf ta’ segwaċi.
Titti għandha paġna personali fuq Facebook, b’madwar 11,000 segwaċi, li żgur mhux forsi jiggustawha u jikkumentawlha fuq ir-ritratti u l-filmati li jitpoġġew fuq l-istess paġna. U għalkemm għaddew sentejn mill-ewwel film, bosta persuni xorta waħda għadhom ifittxhuha, jsegwuha u joħdulha filmat qasir.
