Bil-miżuri kollha meħtieġa b’rabta mal-imxija, sar il-Ballu tal-Qamar t’Awwissu fil-Palazz Verdala b’risq il-Fondazzjoni Malta Community Chest Fund
Bil-mistednin kollha bilqiegħda, il-lejl kien mimli mużika mill-banda tal-Forzi Armati ta’ Malta, kollox għal għan nobbli.
Il-President ta’ Malta, George Vella rringrazzja lill-poplu Malti kollu, talli waqt pandemiija xorta żamm l-ispirtu ta’ solidarjetà ħaj; li tant hu magħruf għalih.
Huwa tenna li dan l-avveniment kien kruċjali biex il-Malta Community Chest Fund tkun tista’ tilqa’ t-talbiet li jidħlulha.
Il-President rringrazzja wkoll lill-Kumitat Organizzattiv, li minkejja d-diversi sfidi li ġabu magħhom dawn iċ-ċirkostanzi, xorta tella’ avveniment ta’ suċċess.
