Matul il-ġimgħat li ġejjin, familji u turisti se jkollhom l-opportunità li jgawdu l-ispirtu tal-Milied permezz tal-attrazzjoni bl-isem ‘The Esplora Christmas Wonderland’ fl-Esplora.
Il-programm ‘The Esplora Christmas Wonderland’ se jibda mill-Ġimgħa 8 ta’ Diċembru sal-Ħadd 7 ta’ Jannar, kull filgħaxija mis-6:00pm sal-10:30pm.
Il-programm ‘The Esplora Christmas Wonderland’ ser ikun qed ilaqqa’ l-ispirtu tal-Milied mad-dinja eċitanti tax-Xjenza u t-Teknoloġija,.
Il-programm għal żmien ta’ festi ġie mniedi uffiċjalment mis-Segretarju Parlamentari għaż-Żgħażagħ, ir-Riċerka u l-Innovazzjoni, Keith Azzopardi Tanti.
Il-Kap Eżekuttiv tal-Kunsill Malti għax-Xjenza u t-Teknoloġija Silvio Scerri saħaq fuq l-impenn tal-Kunsill u tal-Esplora li jwasslu avvenimenti ta’ kwalità għall-familja kollha, speċjalment fil-ġranet tal-Milied u l-Ewwel tas-Sena.
L-esperjenza se tiġi estiża fuq livell fejn jidħol id-divertiment u l-ispettaklu ta’ daqq, żfin u kant, flimkien max-xjenza, flimkien mad-duo popolari, Danusan.
Iktar dettalji dwar il-programm jinsabu fis-sit elettroniku, https://esplora.org.mt/christmas-at-esplora-3/.
