Titneħħa bomba li tiżen 250kg ta’ żmien it-Tieni Gwerra Dinjija f’Ta’ Qali

Xogħlijiet li kienu għaddejjin f’Ta’ Qali wasslu għal sejba mhux tas-soltu. Dan hekk kif kien qed isir xogħol ta’ tħaffir, instabet bomba Ġermaniża ta’ żmien it-Tieni Gwerra Dinjija li tiżen madwar 250kg.

Il-Logutenent Kayleigh Gelfo, spjegat kif kienet telefonata fuq il-112 li wasslet biex permezz ta’ ħidma sfieqa minn membri mis-Sezzjoni għat-Tneħħija tal-Isplussiv fi ħdan il-Forzi Armati ta’ Malta, din tneħħiet.

Minn hemm ġie identifikat li din il-bomba kienet ta’ żmien it-Tieni Gwerra Dinjija, u hija SC250 bomba Ġermaniża li kienet titwaddab mill-ajru.