Malta Public Transport tħabbar li b’effett mill-Ħadd 15 ta’ Lulju, se terġa’ tibda topera rotot li joffru servizz dirett bejn numru ta’ lokalitajiet popolari f’Malta.
“L-esperjenza tas-servizz tat-Tallinja Direct fis-sjuf li għaddew kienet waħda pożittiva u s-servizz ntlaqa’ tajjeb ħafna mill-passiġġieri. Dawn ir-rotot joffru servizz dirett bejn Tas-Sliema, l-Belt Valletta, Buġibba, Għajn Tuffieħa, Marsaxlokk u l-Ajruport”, qal Daniel Grech, id-Direttur Kummerċjali ta’ Malta Public Transport.
Minn nhar il-Ħadd 15 ta’ Lulju 2018, ser joperaw dawn rotot diretti:
TD2 – Ser topera kull siegħa minn San Ġiljan lejn l-Ajruport bejn l-3.55am u 00.55am u minn l- Ajruport lejn San Ġiljan bejn l-4.30am u 0.30am.
TD5 – Ser topera kull siegħa minn Sliema (Ferries) lejn Għajn Tuffieħa (tgħaddi minn Triq il-Kosta) bejn l-10:30am u 1:30pm u minn Għajn Tuffieħa lejn Sliema Ferries bejn l-4:30pm u 7:30pm.
TD10 – Ser topera mill-Belt Valletta lejn Marsaxlokk kull nhar ta’ Ħadd skont id-domanda.
TD14 – Ser topera rotta ċirkolari mir-Rabat lejn Tas-Sliema (tgħaddi minn San Ġiljan) kull siegħa bejn id-9.30am u 9.30pm.
In-nollijiet għar-rotot tat-Tallinja Direct huma hekk: €3.00 għall-biljetti li jinxtraw fuq tal-linja, €2.50 (jew żewġ vjaġġi) meta tħallas bit-12 Journey Cards, €1.50 meta tħallas bit-Tallinja Card personalizzata u n-noll huwa inkluż meta tħallas b’waħda mill-Esplore Cards. Il-kumpanija tfakkar li s-sistema tal-capping fuq it-Tallinja Cards personalizzati ma’ tapplikax għall-vjaġġi tat-Tallinja Direct.
Għall-aktar informazzjoni u għal skeda kompluta, il-klijenti jistgħu jżuru l-Journey Planner fuq is-sit: publictransport.com.mt u fuq it-Tallinja App li tista’ titniżżel b’xejn mill-Apple AppStore u l-Google PlayStore.
