Ilbieraħ filgħaxija tħabbret il-mewt ta’ Joe Bartolo, xandar veteran, producer ta’ radjudrammi, attur, librar, u preżentatur tar-radju.
Joe Bartolo, li kellu 86 sena, kien magħruf mas-semmiegħa b’mod speċjali għall-programmi ta’ mużika country u informazzjoni dwarha.
REKLAM
SKROLLJA BIEX TKOMPLI
Wara li għal diversi snin kien preżentatur fuq l-istazzjon nazzjonali, dawn l-aħħar snin mexxa wkoll fuq ONE Radio il-programm ‘One Country’.
Din l-aħbar ta’ sogħba ġiet ftit tal-ġimgħat wara li ħalla din id-dinja kollega ieħor tiegħu fl-istess programm, Leslie Gladwish.
Min naħa ta’ One, nagħtu l-kondoljanzi lil qraba u hbieb kollha ta’ Joe Bartolo.
