Tħabbret il-mewt tal-leġġendarja Suor Paola fanatika kbira tat-tim Taljan tal-futbol Lazio.
L-aħbar kienet ikkonfermata mill-klabb tal-futbol li tant kienet tħobb fejn irreferew għaliha bħala persuna reliġjuża ferventi u ambaxxatriċi tal-Lazio.
Kulħadd kien jafha bħala Suor Paola, iżda l-isem veru tagħha kien Rita D’Auria. L-entużjażmu tagħha fil-grawnd meta kienet tissapportja regolarment il-klabb Ruman Lazio kien leġġendarju.
Saret famuża bħala personaġġ regolari fuq l-istazzjon tar-RAI u l-programm ‘Quelli Che Il Calcio’ fi snin disgħin u ipparteċipat f’ħafna attivitajiet għall-benefiċċjenza organizzati mil-Lazio fejn iffurmat ħbiberija stretta ma’ ħafna mill-plejers, kowċis u l-President Claudio Lotito.
Permezz ta’ ‘Solidarietà e Speranza’ hija ħadmet biex tgħin il-vittmi ta’ vjolenza, single mothers u priġunieri fejn kemm-il darba din is-soċjetà kienet anke tidher fuq il-flokkijiet tal-plejers tal-Lazio.
Suor Paola mietet l-Erbgħa fl-età ta’ 78 sena wara marda twila.
