Tħabbret il-mewt tal-eks plejer tat-tim Nazzjonali tar-rugby Leo Mifsud.
Mifsud li ħalla din id-dinja fl-età ta’ 50 sena, miet mewta naturali. Erba’ snin ilu huwa kien għadu attiv f’dan l-isport, dan hekk kif kien għadu jilgħab fil-kampjonat lokali mat-tim tal-Falcons.
Huwa kien fost l-ewwel plejers purament Maltin li lagħbu fl-ewwel logħba kompettitva tat-tim Nazzjonali tar-Rugby Union kontra l-Moldova fis-sena 2000. Mifsud baqa’ jilgħab mat-tim Nazzjonali Malti sal-2007 meta lagħab kontra l-Polonja. Meta pajjiżna kien sofra telfa ta’ 36-3 barra minn darna.
Leo kellu żewġt ulied: Rebecca u Matthew, li kompla fuq il-passi ta’ missieru għaliex jilgħab ir-rugby mat-tim tal-Falcons.
